VAMC Reportorial Team

TILA WALANG KADALAAN ANG ISANG PROCESS SERVER NA KAHIT NA APAT (4) NA BESES NANG NAPARUSAHAN NG KORTE SUPREMA AY HINDI PA RIN TUMIGIL SA PAGIGING PASAWAY.

MATAPOS MAPATUNAYANG GUILTY OF GRAVE MISCONDUCT SA PAGKAKATAONG ITO, TULUYAN NANG SINIBAK NG KORTE SUPREMA SI SHERWIN BALOLOY, PROCESS SERVER NG REGIONAL TRIAL COURT BRANCH 130 SA CALOOCAN CITY.

ANG GRAVE MISCONDUCT AY MAY PARUSANG DISMISSAL SA TRABAHO KAHIT SA UNA PA LAMANG NA OPENSA.

SI BALOLOY AY INIREKLAMO NG ISANG CATHERINE ANTONIO DAHIL SA MABAGAL NA PAG-SERVE NG SUMMONS SA KASONG ANNULMENT NI ANTONIO. HINDI RIN IBINALIK NI BALOLOY ANG TATLONG LIBONG PISONG (Php3,000) HININGI NITO BILANG PAMASAHE UMANO SA PAG-SERVE NG NASABING SUMMONS.

KAHIT NA INISYU KASI NG R-T-C ANG SUMMONS NOONG NOBYEMBRE 12, 2004, INABOT PA RIN NG HANGGANG DISYEMBRE 11, 2004 BAGO ITO NAI-SERVE NI BALOLOY.

INAMIN NI BALOLOY ANG PAGKAANTALA SA PAG-SERVE NG NASABING SUMMONS PERO PINANGATWIRANAN ITO SA PAGSASABING TINAMAAN NG BAGYO ANG NAGA CITY MULA NOBYEMBRE 18 HANGGANG NOBYEMRE 20 KAYA HINDI NA-SERVE ANG SUMMONS.

DAGDAG PA NI BALOLOY, KINAILANGAN NIYANG DUMALO SA TATLONG ARAW NA SEMINAR SA BAGUIO CITYNOON NAMANG NOBYEMBRE 24 HANGGANG 26.

INAMIN RIN NI BALOLOY NA NAGASTA NIYA ANG IBINIGAY NA PAMASAHE SA KANYA AT KINAILANGAN PANG MAG-IPON PARA PERSONAL NA MADALA ANG SUMMONS SA NAGA.

SABI NG KORTE SUPREMA, MALAKI ANG DIPERENSIYA SA PAGITAN NG MGA ARAW NA HINDI MAAARING I-SERVE ANG SUMMON AT MGA ARAW NA MAAARI ITONG I-SERVE. BUKOD PA DITO, HINDI LAMANG NAGING PABAYA SI BALOLOY SA KANYANG TUNGKULIN, MALINAW NA BUONG-LOOB NA NILABAG NI BALOLOY ANG TAMANG PROSESO HINGGIL SA PAGKUHA NG TRAVEL EXPENSES PARA SA PAG-SERVE NG SUMMONS NA INIHATAG NG KORTE SUPREMA SA RULE 41, SECTION 10 (E) NG ADMINISTRATIVE MATTER NUMBER 04-2-04-SC.

AYON SA NASABING RULE, SA PAGSAMPA NG REKLAMO, DAPAT MAG-DEPOSITO ANG PARTIDONG NAGSAMPA NG KASO NG ISANLIBONG PISO (Php1,000) SA CLERK OF COURT BILANG KABAYARAN SA ACTUAL TRAVEL EXPENSES NG SHERIFF, PROCESS SERVERS, O SINUMANG AWTORISADONG TAUHAN NG HUKUMAN PARA SA PAG-SERVE NG SUMMONS, SUBPEOENA AT IBA PANG COURT PROCESSES NA I-ISYU PATUNGKOL SA PAGLILITIS NG MGA KASO.

SAKALING DI-SAPAT ANG ISANG LIBONG PISO (Php1,000), HIHINGIN SA NAGSAMPA NG KASO O PETITIONER ANG KARAGDAGANG DEPOSITO. PAGKATAPOS AY MAGSUSUMITE ANG SHERIFF, PROCESS SERVER, O SINUMANG AWTORISADONG TAUHAN NG KORTE NG KANYANG ESTIMATED TRAVEL EXPENSES SA KORTE PARA APRUBAHAN. SA SANDALING MAAPRUBAHAN, I-RE-RELEASE ANG PERA SA SHERIFFO PROCESS SERVER NA PAGKATAPOS AY MAGSUSUMITE NAMAN NG LIQUIDATION NA MULING AAPRUBAHAN NG KORTE. ANUMANG LALABIS SA IDINEPOSITONG PERA, MATAPOS ANG KASO AY ISASAULI SA PARTIDONG NAG-DEPOSITO NITO (A.M. No. P-06-2192, Sardillo v. Baloloy, June 12, 2008)

Other Stories

• HUKOM NA NAGBITIW AT NAKABALIK SA PAGIGING HUWES, PINAPAYAGANG GUMAWA NG DESISYON SA KASONG DININIG SA DATING HUKUMAN
• Ikakasal na nasa pagitan ng bente uno at bente singko anyos kailangang humingi ng payo sa mga magulang
• Angara hails Malacanang for signing PERA Law
• Reorganization of Philippine Statistical System pushed
• PGMA orders DPWH to prioritize flood control project in Ilocos Norte
• Walang kadalaang process server, sinibak sa tungkulin