ITINANGGI ni Nadine Samonte ang balita na lilipat siya sa ibang network.

"Happy naman ako sa GMA dahil sunod-sunod ang projects ko," wika ni Nadine. "After ‘Kung Mahawi Man ang Ulap,’ they gave
me ‘Maging Akin Ka Lamang,’ then I was in ‘Kim Sam Soon,’ and now, sinundan agad iyon nitong ‘Gagambino’."

Kahit sa lovelife, masaya si Nadine dahil ideal boyfriend ang negosyanteng si Emerson Chua.

"Bale three years na kami at never kaming nagkaroon ng problems or away. Kasi cool lang siya lagi at pareho kaming hindi
jealous type. Kahit kung minsan, sobrang busy ako sa trabaho at magdamagan ang taping ko, he understands the nature of my
work. We just make up later by going out together at namamasyal kami with his family or with my family. Madalas nga,
nagiging family outing ang lakad namin, which is good naman kasi we get to know each other’s families better."

Masaya naman si Nadine sa muli nilang tambalan ni Dennis Trillo sa "Gagambino". Si Dennis ang kanyang leading man sa "Kung
Mahawi Man ang Ulap".

"Ang maganda, I can play any kind of role dahil sa ‘Kim Sam Soon,’ nagkontrabida ako kay Regine Velasquez, pero ngayon,
balik lead role na naman ako. Sa akin kasi, okay lang kahit bida-kontrabida, basta challenging ang role at tuloy-tuloy ang
trabaho ko. Workaholic na nga ako, e, dahil gusto ko talaga ‘yung sunod-sunod ang assignments ko, which is what’s
happening to me right now."

Other Stories

• Nadine di aalis sa GMA-7